| 2007年10月尾 , 我離開左讀左三年多幾日既深培。 直到今日 , 我仍然崩潰緊。每一日都係唔開心 , 沉悶 , 渾噩。 一開始 , 我好努力用我既方法黎係深培拎返自己既公平 宜家 , 我好希望知道自己係有咩用 , 係咪真係要自殺 2008年之前 , 我每晚都好定時咁喊。一諗起我就會喊 , 好辛苦 2008年之後 , 我失去左自己既性格 , 無開懷咁笑 , 無輕鬆開心咁做每樣野 中四上堂頭幾日因為無得上課室 , 我識唔到新朋友。 無所謂 , 我仍然有一班舊朋友。估唔到升上中四各有各玩 , 我變得一個人 當我係訓導室比d老師痛快咁用言語黎攻擊我既時候 , 佢地唔係度 , 無關心我 可能佢地覺得我係接受到 , 但係佢地睇高左我 , 我好辛苦 , 好想有人幫 直到學校迫我自動退學 , 我唔見有朋友黎歡送我走 , 都無聽過有人問我 我忍住眼淚 , 由我女朋友陪住我 , 著住最後一次校服離開深培。 我好唔開心 , 髮型衣著遊戲咩都無興趣。我唔想接觸任何既野 我變得好保護自己 , 每次我都抱住我女朋友講 , 你係我既最後珍惜 我好耐無開懷咁笑過 , 無開放咁玩過...我唔想咁樣 , 但係我係咁樣 媽媽 , 妹妹 , 女友用唔同方法支持我。但係我企唔返起身 , 我無用 有次出街無聊咁行 , 見到小學同學 , 坐低傾計。佢問我 , 你讀書讀成點? 我話係我係雙失 , 佢驚奇咁望住我 , 但係無睇唔起我 , 果時我睇唔起自己 原來自己係一個咁無用既人 , 我無用到要人地黎體貼我 我返屋企喊左好耐 , 好耐。但係我都係企唔返起身.. 我每次都問自己 , 點解我無朋友幫我??係咪因為我衰d咩 我每次都問自己 , 點解學校永遠要針對我 , 要我成為老師們間既標把 我對唔住我媽媽 , 真係生舊叉燒好過生我 我對唔住我妹妹 , 我做唔到好既榜樣 我對唔住我女友 , 我答應比你做世界最幸福既人 , 到頭來你跟左個廢人 原來我既努力唔會有人睇到 , 我既關心唔會有人感覺到 我痛苦既時候唔會有人幫我 , 我喊既時候唔會有人幫我 每次我諗起深培 , 我好無力 , 好痛苦咁喊 , 好辛苦面對呢兩個字 每次我諗起人人有書讀 , 我比人針對搞到踢出校 , 我好辛苦 我夢想係完成中五 , 好好咁搵份工 , 養妻活兒 , 但我宜家乜都無哂 每次早上7點起身同妹妹講小心返學 , 但係我無得返 每次我係屋企見到買左千幾蚊既書 , 開都無開過 當我鍾意返學 , 但係竟然比人鈕對而無得返學 我由鍾意返變到唔敢返 , 我由開懷咁笑變到唔想笑 我辛苦 痛苦 我唔識做人 , 我唔識做人兒子 , 唔識做人男朋友 對唔住... |
